Ciidamo uu wato Mahad Cambaashe oo la
wareegay gacankuhaynta degaanka Kalshaale.
(Kalshaale,
November 18,
2010 Ceegaag Online)
Kadib
dagaalkii dorraad ka dhacay degaanka Kalshaale oo ka tirsan
degaamada hoosyimaadda degmada Buuhoodle ayaa waxaa shalay
soo gaadhay raxan ciidamo ah oo ka tirsan kuwa Soomaliland
kana soo ambabaxay magaalada Widhwidh.
Ciidankan ayaa waxaa hogaaminayay Mahad Cambaashe iyo
saraakiil kale oo ka tirsan ciidanka Somaliland ee
fadhiisimaha ku leh gobolka Sool ka dib markii madaxda
sarsare ee maamulka Soomaaliland amar ku siisay ciidankaas
in ay gabiahaanba la wareegaan deegaankaas inta la qabanayo
shir ay isgu imanayaan beelaha ku diriray dhuldaaqsimeedkaas
si looga hortago shaqaaqo markale ka dhacda degaankaas
keentana khasaare horleh oo ka ballaadhan kii hore.
Dadwaynaha degaankaas gaar ahaan labadii beelood ee ku
dagaallamay degaankaas ayaa soo dhaweeyay imaanshaha iyo
tallaabadaas uu qaaday maamulka Soomaaliland kuna tilmaamay
mid laga dheehankaro masuulnimo iyo nabadgalyo jacayl.
Arrintu sikastaba ha ahaatee odayaasha degaanka ayaa hadda
ku hawllan sidii ay isugu imanlahaayeen ugana wada
hadlilahaayeen dhibaatadan aan loo baahnayn ee dhexmartay
dadwaynaha walaalaha ah ee ku wadanool degaankaas.
www.ceegaag.com
webmaster@ceegaag.com |
