Koox
diimeedka Ahlusuna waljamaaca oo albaabada u laabay
Idaacada Caabudwaaq
maamulka degmada Caabudwaaq ee hoostaga kooxda la baxday
Ehlu suna ayaa ayaa galabta xanibaad kusoo rogay idaacada
magaalada Caabudwaaq. Wararka ayaa sheegaya in idaacada ay
xireen ciidamao ka tirsan maamulka Caabudwaa ka dib markii
ay galabta amreen in hawada laga saaro idaacada. Idaacada
Caabudwaaq ayaa siideynjirtay baraamij iyo warar kaladuwan
oo ay dadweynuhu dhegeysan jireen, lamana ioga sababta
idaacadaasi loo xidhay.
Wariyaasha idaacada ayaa u xaqiijiyey warbaahinta in
idaacadu hadda densan tahay laguna amray in la joojiyo
shaqada. Dhowr maalmood ka hor ayaa idaacadaha Galgaduud
lagu amray in aan la ogoleyn wararka ku saabsan maamulka
Ximan iyo xeeb ee degmada Cadaado. Waxaa sidoo kale horey
looga mamnuucay muxaadarooyinka qaar ka mid ah culimada
Soomaaliyeed ee ay idaacaduhu siideyn jireen.
Tani waa talaabadii labaad oo lagu soo rogo warbaahinta
degaankaasi mudo ka yar hal toddobaad gudihiis. Tifatirihii
idaacada Caabudwaaq C/kariim Axmad Bulxan ayaa horey ay u
xireen ciidamada maamulka Caabudwaaq inkastoo maalmo ka dib
la siidaayey.
