Kadib Markii Todobaadkani Qaarkamid ah Warbaahinta SSC Lagu daabacay in Ciidmadii iyo Hubkii Beesha Guuleed Garaad Barkad lagu Wareejiyey Maamulka Somaliland ayaa dhinaca kale Shabakada Wararka Ceegaag.com Warqabadka Buuhoodle Waxaa soo gaadhay  Cabashooyin Xoogan oo ka imaanaya Cuqaasha Waxgaradka, Dhaliyada iyo Qaybaha kala Duwan ee Beesha Guuleed Garaad Barkad oo iyagu Warkaasi si Kulul u Canbaareeye, kuna tilmaamay Warar la Doonayo in lagu kala dilo Gudaha Beesha Guuleed Garaad Barkad.

 

Shabakada Wararka Ceegaag.com ayaa Maanta Waxa Khadka Taleefoonka Magaalad Balicad kula soo Xidhiidhay Xubnaha Golaha Cuqaasha iyo Qaarkamid ah Waxgaradka Beesha Guuleed garaad Barkad oo iyagu ka Cabanaya Wararkaasi lagu Daabacay Qaarkamid ah Warbaahinta SSC, Waxaana Cuqaashaasi si kulul Wararkaasi igu tilmaameen Warar ka Fog Xaqiida oo gabi ahaanaba aanay jirin in Ciidamadii iyo Hubkii Beesha Lagu Wareejiyey Maamulka Somaliland, isla marlaanay aanay Dhici dooni in Maamulkaasi lagu Wareejiyo wax Hub ah oo beeshu leedahay.  Sidaasi Waxaa Ceegaag.com u sheegay Caaqil Axmed Saalax Maxamed.

 

Cuqaasha iyo Waxgaradka Beesha Guuleed Garaad Barkad ayaana ugu baaqay dhamaan Qurba jooga Beesha Barkad in Wararkaasi yihiin kuwo ka Fog Xaqiida oo la doonayo in Khilaaf lagu kala dhex abuuro Gudaha Beesha Guuleed Garaad Barkad Waxayna ugu baaqeen Kooxaha Wararkaasi Ku Daabacay Websedyada inay ka Fiirsadaan hadii kale talaabo laga Qaadi Doono.

 

Waraysiyada Xubnahaasi katirsan Cuqaasha iyo Waxgaradka Beesha Guuleed Garaad Barkad ee la Soo Xidhiidhay Shabakada Wararka Ceegaag.com ka dhagayso kana Bogo xaga Sare.

 

Cali dhagjar

Ceegaag.com

Buuhoodle