Hay’adda SCERDO oo si isleeg mucaawimo gaadhsiisay
1000 qoys oo ah dadkii abaaruhu ku haleeleen
degmooyinka Baladxaawo, Luuq, Dooloow iyo Geedwayne ee
gobolka GEDO
(Gobolka Gedo,
Dec 22,
2011 Ceegaag Online)
Waxaa doddobaakii
hore raashin iyo saliid isugu jira u qaybiyay hay’adda
SCERDO ee fadhigeedu yahay dalka CANADA. Hay’adda ayaa
gaadhsiisay mucaawimadaas degmooyinka Baladxaawo, Luuq,
Dooloow iyo Geedwayne. Guddoomiyaha hay’adda SCERDO Bashir
Xaaji Cali (Jamaal) oo isagu siday mucaawimadaas ayaa
qaybinta raashinkaas goobjoog ka ahaa islamarkaana ugu
baaqay haya’adaha caalamiga ah, DFK ee Somaliya iyo UNta in
ay gargaarka loogu deeqay Soomaaliya ay gaadhsiiyaan
dhammaan gobollada dalka oo dhan gaar ahaan kuwa ay abaarugu
saameeyeen, isla markaana aysan caawimada ku koobin
Magaalada Muqdisho iyo nawaaxigeeda.
Guddoomiyaha ayaa
ugu baaqay jahliyadda dibadda ee ka soo jeeda gobolka GEDO
in ay dadkooda ka taageeraan dhinacyada horumarinta arrimaha
bulshada sida iskuullada, caafimaadka, biyaha iyo nabadgalyo
islamarkaana u soo jeestaan sidii ay gobolka u maalgalin
lahaayeen.
Guddoomiyaha ayaa u
mahadceliyay dhammaan masuuliyiinta gobolka GEDO sidii
diirranayd ee ay ugu soo dhaweeyeen gobolka GEDO, waxa uuna
u ballanqaaday in aysan ka hagrandoonin wixii horumar iyo
gargaar ah ee ay u helikaraan gobolkan. Bashir Xaaji cali
ayaa si gaar ah ugu mahaceliyay shirkadda SOMKAN
TRANSPORTATION oo ah shirkaddii ka caawisay SCERDO fulinta
mashruucan.
Qaybinta
mucaawinadaa oo vedio ahna dhawaan ha udayma la'aanina.
