Khasaarihii ka dhashay
dagaalkii maanta ka dhacay aagga Kalshaale ee degaanka
Buuhoodle.
(Buuhoodle,
February 07,
2011 Ceegaag Online)
Waxaa dagaal ku dhexmaray agagaarka
balliyada Kalshaale iyo Hagoogane ciidamada Somaliland iyo
kuwa ka soo jeeda degaanka Buuhoodle oo baryahanba isku
horfadhiyay aaggaas.
Waxaa la xaqiijinayaa in khasaaro
badani soo kala gaadhay labadaas ciidan ee ku dagaallamay
balliyada Kalshaale iyo Hagoogane.Waxaa dhinaca Buuhoodle ka
dhintay 12 qof iyo 20 dhaawac ah oo 5 ka mid ah dhaawacaas
ay cuslaayeen loona qaaday cusbitaalka Gaalkacayo.
Dhinaca ciidanka Soomaaliland ayaa la
sheegayaa in ay kaga dhinteen dagaalka 17 askari halka
dhaawucuna gaadhayo illaa 31 oo 14 ka mid ahi culusyihiin
loona qaaday cusbitaalka Burco. Lama sheegin illaa hadda wax
maxaabiis ah oo la kala qabsaday dagaalkiina waxa uu
istaagay galabta goordanbe. Waxaa labada dhinacba ka socda
abaabul dagaal mana jiraan wax illaa haddeer isu xilqaamay
in ay qaboojiyaan colaaddaas ka taagan Kalshaale. Wixii
faahfaahin dheeraad ah ee ka soo soo kordha dagaalkan kala
soco shabakadda Ceegaag .com wakhtiyada soo socda.
webmaster@ceegaag.com
webmaster@ceegaag.com |
