Dhacdo la yaab leh oo ka dhacday xarumaha
ciidanka AMISOM ee Muqdisho kadib markii Askari uu mid
kale u dilay $1
(Muqdisho,
April 26, 2012 Ceegaag Online)
Askari ka mid Ciidanka
AMISOM ee Magaalada Muqdisho ayaa sameeyay arin layaab leh
kadib markii Askar katirsan kuwa AMISOM gaar ahaan Ugandha
uu Askari kale u dilay $1 lacagta Mareykanka ah .
Sida lagu soo daabacay
wargeyka New vision ee ka soo baxa dalka Ugandha Dhacdadan
ayaa ka dhacday Xarun Ciidan ee AMISOM ku leeyihiin Degmada
Yaaqshiid halkaas uu Askari Ugandha katirsan mid kale oo
Saaxiib ahaayeen ugu dilay Hal Dollar kadib markii ay ku
murmeen lacagtaas.
Askarigii dilka geystay
ayaa durba gacanta lagu dhigay iyadoona loo gudbiyay dalka
Ugandha oo hada lagu maxkamadeenayo waxaana soo baxaya
cadeemo muujinaya Askarigan falka dilka ah geestay in uu
danbiyo kale uu horey u galay.
Askariga Dilka geystay
ayaa lagu magacaabaa Stephen Katwesigye waxa uuna dilay
Askariga lagu magacaabi jiray Corporal Erias Mungyera ee ay
wada shaqeyn jireen. Stephen Katwesigye hada Maxkamadiisa
kasocoaa Magaalada Kampala ee Dalka Ugandha waxa uuna
iska diiday eedeemaha loo soo jeediyay iyadoona la sheegay
Eedaha Askarigan loo heesto in loo hayo Cadeemo muujinaya.
Xeer ilaaliyaha
maxkamadeynta askarigan dilka geystay ayaa codsaday in dib
loo dhigo kiiskan oo waqtiga loo dheereeyo, waxaana dib loo
dhigay maxkamadeynta askarigaan ilaa shanta bisha soo socota.
Dhacdadan ayaa noqoneysa
tii ugu horeysay ee noocaan ah oo ka dhacda Magaalada
Muqdisho ee Askar katirsan AMISOM lacag aad u yar iskugu
dilaan iyadoona xusid mudan in Askarta AMISOM midkiiba uu
Bishii qaato lacag kabadan $1,000.00.
