Nin Kuuriyaan ah
oo ardey ku laayay College ku yaala Gobolka
California ee dalka Mareykanka.
(Oakland, California April 03, 2012 Ceegaag
Online)
Shil toogasho
ayaa saaka ka dhacay Magaalada Oakland oo ku taala
Waqooyiga gobolka California ee cariga Mareykanka,
kadib markii Nin Kuuriyaan ah oo 43-jir ah watayna
Qoriga loo yaqaan Mishigaanka uu ku toogtay 5-Ruux
halka labo kale ay dhaawac ahaan ugu geeriyoodeen
Isbitaalka guud ee magaalada Oakland taas oo
tirada Dhimashada dadka ka dhigeysa 7-Qof.
Taliyaha
ciidamada Booliiska magaalada Oakland Mr.Howard
Jordan
waxa uu xaqiijiyay inay gacanta ku soo dhigeen
Ninkii Kuuriyaanka ahaa ee toogtay Ardaydii
Mareykanka ahayd kaas oo lagu soo qabtay goob aan
sidaas uga fogeyn meesha uu shilku ka dhacay.
“College-ka
shilku ka dhacay ayaa waxaa lagu bartaa
maadooyinka Caafimaadka waxaana intii ay socotay
Rasaasta daaqada dambe iyo Darbiyada College-kaas
ka booday Arday fara badan oo wax ka baraneysay
halka qaarkood ay ahaayeen kuwo dhaawac ah ayuu
yiri Gurpreet Sahota oo ka mid ah Masuuliyiinta
College-ka ee magaalada Oakland.
