Shirkada Telesom ayaa maanta gaadhi nooca Land Cruiser-ka
loo yaqaano gudoonsiisay madaxada iyo ardayda Jaamacada Nugaal ee
Magaalada Laascaanod. Kulankan xaflada gudoonsiinta ayaa
waxaa ugu horeyn ka hadley Gudoomiyaha shirkada Telesom ee
magaalada Laascaanod Abdirisaaq Axmed Warsame (Dhabayaco)
sheegayna waxqabadka shirka Telesom ee ay ka qabatay guud
ahaan gobolka Sool.
Abdirisaaq Axmed Warsame ayaa Sidoo kale sheegay in shirkada Telesom ay
kaalin mugleh kaga jirto kor uqaadista Waxbarshada
deegaanada Khaatumo, caawinta agoomaha, caawinta abaaraha
iyo reer guuraaga.
Gudoomiyaha Jaamacada Nugaal Prof. C/risaaq Maxamed
Aaden (Lafoole) oo isna sidoo ka hadlay munaasabada xaflada ayaa
u mahad celiyay maamulka shirkada Telesom ee Laascaanod,
isagoo sheegay in maamulka iyo Ardayda Jaamacada Nugaal ay
siwayn u soo dhawaynayaan gaadhigan shirkada Telesom ugu
deeqday Jaamacada, balanqaadayna ka maamul ahaan inay
ilaalindoonaan gaadhigan.
