Gudoomiyaha
IGAD Maxbuub Macalin iyo Kalkaaliyaha Wasiirka
Maaliyada ee Kenya Oburu Odinga oo Shir
Xogwaraysi ah la yeeshay Jaaliyada reer Afrikada
Bari magaalada Boston.
Shirkan oo looga gol lahaa
sidii loo heli lahaa is afgarad iyo wada shaqayn
dhexmarta halwadeenada ururka IGAD
(Inter-Governmental Authority on Development) iyo
jaaliyada reer Afrikada Bari eek u dhaqan
magaalada Boston. Loogana gun gaadhi lahaa sidii
ay jaaliyadu gacan uga gaysan lahayd horumarinta
Geeska Afrikada Bari.
Ugu horayn shikan waxaa furay
Cabdulqaadir Yaasiin, Madaxa ACEDONE oo loo
faahfaahiyo (African Community Economic
Development of New England) isagoo xidhiidhinayay
shirka judhii horena wuxuu ku soo dhaweeyay shirka
Xuseen Dayib oo ah Gudoomiyaha Gudiga Turxaan
Bixinta ee Soomalida Boston (Chairman Greater
Boston Community Dialogue Steering Committee).
Xuseen Dayib ayaa isna ka bixiyay warbixin kooban
Taariikh nololeedka Gudoomiyaha IGAD Maxbuub
Macalin.
Maxbuub ayaa isna ka hadlay
shaqada IGAD iyo faa’idooyinka uu urukaasi u
leeyahay bulshada samaysatay oo dhan 212 malyan oo
qof, kuna nool 8 wadan oo uu ugu danbeeyay wadanka
Koonfurta Suudaan. Maxbuub wuxuu aad ugu dheeraday
sida uu aadka uga qanacsan yahay shaqada uu u hayo
urur gobeleedka IGAD. (Riix
Akriso macluumaadka IGAD) Waxaa kale oo
uu dhalinta ku guubaabiyay waxbarashada isaga oo
yidhi hadii Illaahay Mareekan oo dadku la'yahay ku
keenay aadna tahay shaqsi da'yar oo aanad
mutacalim noqon waxaan ku oranayaa 'waad qasaartay
waalidkaana waad qasaarisay Imtaxaanadu waa adag
yihiin mar dhac, marlabaad dhac, marsadexaadka
waad baasasaa ee Iskuulaadka haka saaqidina'.
Sidoo kale Xuseen Dayib wuxuu
shirka ku soo dhaweeyay Kalkaaliyaha Wasiirka
Maaliyada ee Kenya Oburu Odinga oo isna ka hadlay
Dooroshooyinkii rabshadaha watay ee ka dhacay
Dalka Kenya, Ganacsiga ganacsatada Soomaalida
Islii iyo South C, oo ku tilmaamay inuu yahay
0.01% marka loo eego dhaqaalaha Kenya sanadkii,
dadka Soomaalida farta ku godayana ay yihiin kuwo
aan waxba la socon. Sidoo kale waxa uu ka hadlay
Sarifka Doolarka iyo sida uu maciishada u wax
yeeleeyo marka uu hoos u dhaco. Waxaa uu aad ugu
amaanay jaaliyada sida ay uga qaybqaataan kobcinta
dhaqaalaha. Dhinaca Dacwadaha lagu soo oogay dad
Kiinyaati ah loona dhaadhicinayo Heeg ayuu
warbixintiisa kusoo gabo gabeeyay.
Shirkan oo socday mudo
labasaac iyo badh ah ayaa markii danbe si aada
loogu jeexjeexay sida shaqo looga heli karo IGAD,
Soomaaliya iyo xaaladeeda ay maanta maraso,
Dhaqaalaha dalalka Kenya iyo Itoobiya, iyo sida
jaaliyadu uga faa’idaysankarto xaga xirfadooda iyo
maalgashigoodaba.
