Qarax ka dhashay dayaca iyo dawlad la'aanta ku habsatay caasimada gobolka Nugaal ee Garoowe.

(Garoowe, July 10,  2008 Ceegaag Online)

Saaka 9:30 subaxnimo ayaa waxaa ka dhacay magaalada Garoowe ee caasimada gobalka Nugaal  qarax ka dhashay qumuca qoriga loo yaqaan Mootarka oo sida la sheegay yaalay Boos banaan oo caruurtu ku ciyaarto kubada cagta,

Booskan ayaa wuxuu dhinaca galbeed ka xigaa Garoonka kubada cagta ee Mire Awaare Jaamac, Qaraxan ayaa waxaa sababay sida la soo xaqiijiyay Maamul darada ka jirta Gobalka, iyadoo qumucu ahaa mid wiigii hore meesha la dhigay.

Dadka xaafadaha u dhaw dhaw meesha qaraxu ka dhacay ayaa lagu soo waramayaa inay ogaayeen amaba arkayeen qumacaa inuu qarxo uun sugayay, iyada oo caruurtii meesha ku ciyaarasay saaka mid kamid ahi soo qaaday kuna soo tuuray Garaanka sidii dadkii markii horeba meesha dhigay ugu talo galeen.

Waxaa ku dhintay isla goobta laba Caruur ah labakalena waxay u dhunteen dhaawicii soo gaadhay saacad kadib, waxaa dhaawac ah ilaa lix kale oo shan ka mid ahi dhaawacoodu halis yahay.

Xafiiska Wararka Ceegaag.com

Laascaanood

webmaster@ceegaag.com