Dadwaynaha reer Gaalkacayood oo u muuqda inay haatan ka gilgisheen Haldhablaysiigii lagu waday Amaamuurta beesha Cumar Maxamuud.

(Gaalkacayo, July 11,  2008 Ceegaag Online)

Wararka naga soo gaadhaya magaalada Gaalkacayo ayaa shaaca ka qaadaya in uu ka jiro is abaabul maleeshiyaad oo la doonaya in lagaga hortago dhibaatada baahsan ee Xaafada BARAXLAY ku soo kor dhisay amaanka Caasimada Gobolka Mudug ee Gaalkacayo.

Waxaa ka jiray ilaa shantii sanadood ee ugu danbeeyay magaalada Gaalkacayo hal dhablaysi lagu waday wax garadka hantiilayaasha ah ee beesha Cumar Maxamuud.

Wararka u danbeeyay ayaa muujinaya in haatan laga gudbay qaacidadii horay loogaga dhaqmi jiray Gaalkacayo oo ahay NIN DAAR MURAAYAD AH KU JIRAA DHAGAX MA TUURO, qaacidadaa uu hirgaliyay  C/laahi Yuusuf oo haatan madaxwaynaha ka ah dawlada Federaalka ee ku meel gaadhka ah.

Is difaacan ka bilowday Gaalkacayo ayaa waxaa shalay ku dhaawacmay ilaa sadex ruux waxaana ku dhintay laba caruura oo iyagu ku ciyaarayay gurigooda hor tiisa taasoo ah arin aad looga argagoxo sida uu noo sheegay mid ka mida maleeshiyadii iska difaacasay waxa uu ugu yeedhay qatarta iska soo tarasa BARAXLAY.

"Owood darada lasoo daristay maamulkii Puntland oo haatan gabaabsi sii ah ayaa ku dhiiri galinasa in suuqyada Gaalkacayo wax garadkayaga lagu gumaado" waasida uu noo sheegay askari ka tirsan Ismaamulka Puntland oo kasoo Jeeda magaalada Buuhoodle nagana codsaday inaaan faafin Magaciisa.

Rabshadahan kasoo cusboonaaday Gaalkacayo ayaa bilowday kadib markii si ula kac ah luugu Toogtay magaalada badhtamaheeda(Masaajid Hortiis) Nabadoon: Cali Jaamac Biixi oo ka mid ahaa maamulayaasha Biyaha magaalada Gaalkacayo .

Xafiiska wararka Ceegaag.com

Laascaanood.                               

webmaster@ceegaag.com