|
Boqolaal
Maxaabiis Soomaali ah oo ku dhibaataysan xabsiyo ku yaalla
Dalka Turkiey-ga.
(Istanbul, July
13,
2008 Ceegaag Online)
Sida ay ku warramayaan ilo xog-ogaal ah
Boqollaal
muhaajiriin Soomaali
ah
oo
isugu jira, caruur, haween iyo dad da’ ah ayaa waxay ku
xiran yihiin xabsiyo meelo kala duwan oo dalka Turkiga oo ay
ugu horreysa magaalada caasimadda ah ee Istanbul.
Dadka xirxiran ayaa intooda badan waxay ku xirxiran
yihiin
xabsiyo ku yaalla xadka u dhexeeya dalalka Syria
iyo Turkey-ga
iyo sidoo kale xabsi ku yaalla gudaha dalka Turkiga iyo
Jaziiradda
Khubrus kuwaas
oo
intooda badan ay ciidamada ammaanka dalka Turkiga gacanta ku
dhigeen markii ay soo galeen dalka Turkiga iyo markii ay ka
sii baxayeen.
Mid
ka mid maxaabiis dhowr bilood ka hor laga sii daayay xabsi
ku yaalla Dalka Turkiga oo magaciisa la yiraahdo Maxamuud
C/laahi Xuseen ayaa sheegay in dadka maxaabiista ah ee ku
xir-xiran xabsiyada dalka Turkiga xaaladdoodu ay tahay mid
adag, isla markaana loo baahan yahay in dhinacyada
Soomaaliya oo dhan ay u guntadaan sidii xabsiyadaasi looga
sii deyn lahaa.
Ninkaasi oo isaga qudhiisa muddo dhowr bilood ah ku xirnaa
xabsi ku yaalla dalka Turkiga oo isaga iyo boqollaal kale
oo Soomali ah sii deyntooda
ay
ka dambeysay
Madax
ka tirsan Waaxda Socdaalka ee Dawladda federalka Soomaaliya
oo
ku wargeliyay xukuumadda Turkiga in ay muhaajiriinta
Soomaalida ay xabsiga ku hayaan
siidaayaan
kuwa Cusub ee ay qabtaana ay la sugaan
ilaa inta ay uga imaanayaan oo ay la wareegayaan
masuuliyadda dadkaasi tahriibayaasha ah, hase ahaatee ay
guul darreysteen masuuliyiintaasi Soomaalida ah inay dib ugu
laabtaan dalka Turkiga oo ay xabsiga ka sii daayaan.
Dalka Turkiga waxa uu ka mid yahay dalalka sanadihii dambe
ku caan baxay in lagu xir-xiro dad badan Soomaali ah
maadaama uu noqday marin ka mid ah marinada ay dadka
Soomaaliyeed ee ka firxanaya rabshadaha ka jira dalkooda u
maraan dalalka Reer Yurub oo ay maciin badayaan inay ka
helaan nolol iyo nabad gelyo
dhaanta ta Dalkoodii Hooyo taala.
www.ceegaag.com
webmaster@ceegaag.com |
