Ciidamada Ethiopia oo maalintii labaad madaafiic ku garaacaya Magaalada Baladweyne ee Xarunta Gobolka Hiiraan.

(Baledweyne, July 25,  2008 Ceegaag Online)

Ciidamada Itoobiya ayaa goobaha dadka rayidka ahi degan yihiin ee magaalada Beledweyne madaafiic ku garaacaya si aan loo meel dayin, dad ka badan 20 qof oo rayid ah ayaa ku naf waayey dagaal halkaasi ka socdey shalay illaa maanta. Wararka ayaa sidoo kale sheegaya in boqollaal dad ahi ay magaalada ka carareen si ay uga baxsadaan madaafiicda.

Ciidamada Itoobiyaanka ayaa madaafiicda billaabey kadib markii ay ciidamada wax iska caabintu ay shalay Weeraro ku qaadeen Fariisinka ay Ciidamada Itoobiya ku leeyihiin Buunada Liiq Liiqato sidaasna uu dagaalku ku bilaawday.

Ciidamada Itoobiya ayaa durbadiiba Madaafiic ku Garaacay Xaafada Howlwadaag iyo qeybo ma mid ah xaafada Kooshin oo jaar la ah oo ay buundadu u dhexeeyso sidii Caadada u ahayd Itoobiyaanka.

Dadka ku dhaqan Magaalada Baledweyne ayaa jah wareer kujira iyadoo la arkayay dad fara badan oo ka cararaya Guryahooda si aysan dhibaato uga soo gaarin Madaafiicda aan loo aabo yeeleyn ee lagu garaacayo xaafadahooda.

Dowladda Federaalka Soomaaliya ayaan wax war ah kasoo saarin dagaalada ka socda Gobolka Hiiraan oo ilaa shalay ay ka socdaan Dagaalo u dhexeeya Ciidamada Ethiopia iyo Maxkamadaha Islaamka

www.ceegaag.com

webmaster@ceegaag.com