Ciidamada Mareykanka oo sheegay inay Cidhibtirayaan burcad badeedka Soomaalida ah ee ka qaraabta xeebaha Somalia.

(Bahrain, July 21,  2008 Ceegaag Online)

Ciidamada Marines-ka Maraykanka ayaa war ay soo sareen ku sheegay inay cayrsan doonaan burcad badeedka Soomaalida ah ee maraakiibta sida shixnadaha gargarka iyo kuwa ganacsiga ka afduuba biyaha Soomaaliya iyagoo ka qaata lacago madax furasho ah .

Burcad badeedka ayaa falal qafaalasho ah ka bilaabay xeebaha Soomaaliya iyagoo isticmaalaya doonyo dheereeya kuwaas oo ay ku iibsadeen lacago boqolal kun ah oo la siiyay , waxayna dhowr goor hore  gacanta ku dhigeen maraakib wada ganacsi iyo gargaar iyo kuwo dalxiis loogu talagalay

Xeebaha Somaaliya ayaa waxaa jooga maraakiib fara badan oo ay leeyihiin dalalka Reer Galbeedka , Ciidamada Maraykanka ayaa hada sheegay inuu bilaabi doono howlgalo lagula dirirayo burcada caadeeysatay dhaca .

Afhayeen u hadlay ciidamada Maraykanka ayaa xaqiijiyay in ay ka go'an tahay sidii ay u baacsan lahaayeen kuwa qafaasha gaadiidka badda ee mara biyaha calaamiga iyo kuwa Soomaaliya , waxuu hadalkiisa raaciyay inay ruqsad ka haystan Dowladda KMG ah iyo Qaramada midoobay oo dhawaan golaheeda amaanku uu ansixiyay in ciidamada shisheeye ay gali karaan gudaha biyaha Soomaaliya.

www.ceegaag.com

webmaster@ceegaag.com