|
Cilmi baaris
laga sameeyay dalka K/Africa, ayaa lagu sheegay in todobaad kasta
ilaa 30 carruur ah lagu dilo dalkaas.
(Johannesburg,
July 04,
2008 Ceegaag Online)
Sannad-kii
2006 ayaa 1152 carruur ah lagu dilay guud ahaan dalkan South
Africa, halka Sanadkan 2008 ay warbixintu sheegay ilaa 1410
caruur ah in la toogtay. Isku dayada nolosha carruurta ayaa
sii laban laabantay 1488 marka loo eego 1309 oo ay ahayd
Sannadkii hore.
Nin
Lagu Magacaabo Chris de Kock oo ka mid saraakisha Booliska
wadankan South-Africa ayaa yiri “waa arin aad u xun aadna
looga murugoodo xasuuqa lagu hayo carruurta”. waxa kaloo u
sheegay carruurta la dilo in da'doodu ay u dhaxayso 16-18
jir sano “Marka loo eego war bixinada, caruurta la dila
ayaa waxa ay u badanyihiin kuwa tuuga ah ama ku dhaqmo falal
tuugnimo. Balse tirada carruurta ka yar 16 sano ee la dilo
ayaa yar” sidaas waxaa yiri mar kale Chris De Kock.
Arrinta kale ee aadka u daran waa kororka boobka lagu hayo
ganacsiga iyo guryaha, iyo af-duubka baabuurta. Dhici taanka
guryaha ayaa waxa uu gaarey 13.5 boqolkiiba, gacansiga 47.4
boqolkiiba, af-duubka baabuurta 4.4 boqolkiiba iyadoo
gawaarida xamuulka ee la dhacay ay gaarayaan 39.6 boqolkiiba
sanadihii 2006 ilaa 2008.
Wasiirka
Badbaadada iyo Amaanka ee Dalkan S/Africa Charles Nqakula
ayaa sheegay Cilmi baarsitu inay aad u qusayso wasaaradiisa.
“Af-duubka gawaarida iyo waliba kuwa xamuulka ah waxay qayb
ka yihiin weeraro lasoo qorsheeyay. Gaadiidkaasna waxaa loo
isticmaalaa in looga baxsado faldanbiyeed markaas la gaystay
sida boobka lacagaha iyo waliba Alaaba muhiim ah oo wadanka
transit ku ah, taasna waxa gaysta bur-cada” .
Sidoo
Kale Charles Nqakula waxa uu yiri'' danbiyadaan, gaar ahaan
boobka guryaha waa arrin aad u xun waxaana lagu waayay
qoysaas iyo shakhsiyaad.
“Waa
danbiyada inta badan aan aadka uga firsano,”ayuu raaciyay
Charles Nqakula Kororka dilalka ayaa waxa uu gaaray 4.7
boqolkiiba, 18487 qof ayaa la dilay xili kooban oo kamid ah
2007/8 taasoo ka dhigaysa ilaa 50 dil maalintii.
Sidoo
kale Kufsiga ka dhaca hadh iyo jeer dalkan S/Africa ayaa
isna waxa uu gaaray 8.8 boqolkiiba, boobka qorshaysan ayaa
gaaray 7.4 boqolkiba, dilalka jirka qof-ka binu adaamka aad
ka u dhaawaca ayaa waxay gaareen iyaguna 4.6boqolkkiiba.
Hassan
Yeey
Johannesburg, South Africa
yeey18@hotmail.com
webmaster@ceegaag.com |
