Hal abuurka maansada matirin haatan ka horoowe
Hadaan Maan la ishirdiyin uma hiloobeene
Hayeeshee Himiladaydu waa Dib u heshiisiine
Hawd iyo nugaal baan u furi hadallo waawayne
Habkay diintu tiri baan rabaa inaan ku hoorshaaye
Hadyigii rasuulkaan rabaa hilinkii toosnaaye
Hujuumkiyo Colaadaan rabaa inaan Ku hiiqaaye
Hagar iyo hayaag baan rabaa inay Heshiiyaane
Hiirad iyo Jamaal baan rabaa horumarkoodiiye
Haadalkaygu Nabadbaan rabaa inuu horseedeeye
Hadafkayga allahayow ka yeel Nabadda Hoygeeda.
@@@@@@@@@
Hiirta waabari hadii aad kacdoo Himato laabtaadu
Huud iyo Nisaa Hadii aad akhrido Waaxid hadalkiisa
Hareeraheeda Maa'ida hadaad hore u sii raacdo
Hubaalweeye oo waxaad ka heli Hilinkii toosnaaye
Halyeeyadii nabi aadam dhalay kii huriyey baaruudda
Haabiil walaalkii markii, uu Hubka u qaaatey
Hanjabaada Goortuu Ku yidhi Hadalka Deelqaafka
Halbawlaha dhiiga Haabtiyo Naftaan kaa Hulinayaaye
Hadalkiisu qaabiil manoqon hurin Colaadeede
Hayeeshee Hanuunbuu tusiyo Hadafkii toosnaaye
Hadaad fidiso gacantaada ood huriso baaruuda
Hoygii Cadaabtaad ku tagi waana la hubaaye
Haabiil walaalkii mamaqal oo wuu halaagsamaye
Hawadii Naftuu raacay iyo Haatufka ibliise
Halkii buu walaalkii kudiley hawlyar dabadeede.
@@@@@@@@@
Hijradii Madiininana Markii Diinta lahogaanshey
Haybtiyo Qabiilkii Markii halawga lagu tuuray
Hurintii Saxaabada Markii Ibliis Hadalka soo tuurey
Hayyaay Yaa muhaajiriin iyo Ansaar La isu kala soocey
Hogaankii Saxaabada Markii Hadalka Loo sheegey
Hadalkiisu waxa uu ahaa ka taga haybta Jaahiliga
Hadalkiisu waxa uu ahaa ka taga way qandhmuuntahaye.
@@@@@@@@@
Hadalkaa waxbaan uga socdaa aan hadeer idhiye\
Hubka dhiga waxaad wada tihiin Ehlu Tawxiide
Hubka dhiga Waxaad wadatihiin Haradii Ciideede
Hubka dhiga waxaad wadatihiin Hooyo Ubadkeede.
@@@@@@@@@
Ha'dii Gabay Halkaasaan ku xidhey Goor Habeene
Is habeeya oo hooriyoo Hawdka sare Geeya.
