Dowladda Yemen oo Marti qaad u fidisay Garabyada Isbaheysiga Asmara ee ku shirsanaa Yemen.

(Sana'a, July 17,  2008 Ceegaag Online)

Wasiirka Arimaha dibedda ee dalka Yemen Dr.Abubakar Al Qirbi ayaa martiqaad ufideyey xubnihii garabyada Isbahaysiga ay wadahadaladu uga socdeen magaalada Sanca ee dalka Yemen.

Illo xog ogaal ah oo warsidaha Ceegaag.com u waramay ayaa sheegay in dowlada Yemen ay xubnahaas culays kusaartey inay heshiiyaan oo ay aqbalaan qodobka la iskumari la'yahay ee ah keenista ciidamo Shisheeye.

Labada dhinac ee Isbahaysiga ayaa isku soo dhawaaday kadib markii ay ku heshiiyeen in waxyaabaha la isku khilaafsanyahay dib loogu celiyo golaha dhexe ee Isbahaysiga kaas oo go'aan ka gaadhi doona.

Mar aan ilo xog ogaalka ah wareysanay waxa kajira wararka saxaafada kusoo baxay ee ah in garabyadii waxkasta ka heshiiyeen ayey  noo sheegeen in arintaas tahay isafgarad guud balse aanan wali waxcad la isla meel dhigin.

Khilaafka udhaxeeya labada garab ayaa yimid kadib markii garab kamid ah Isbahaysigu uu heshiis dalka Jabuuti kula saxiiday Dowladda Federaalka, heshiiskaas oo ay ku gacan seydheen garabka kale ee Asmara ku sugan ee uu Hogaamiyo Xasan daahir Aweys.

www.ceegaag.com

webmaster@ceegaag.com