Ganacsade u dhashay Iran oo Dil lagu xukumay iyo Syria oo iska fogeysay in ay qarsoodi u sameysaneyso Hubka Nuclear-ka.

(Johannesburg, July 01,  2008 Ceegaag Online)

Warbaahinta Wadanka Iran ayaa tibaaxdey in maxkamada ugu weyn Dalka  Iran ah ay xukun ku riday ganacsade weyn oo u dhashay Iran islamarkaasna lagu eedeeyey in uu dowladda Israel jaasuus u ahaa.
 
Ganacsade Ashtaari oo 43 jir ah ayaa la sheegay in uu yahay nin Muslim shiici ah islamarkaana ka shaqeysan jirey guud ahaan Dalka Iran, 
 
Maxkamaddan dalka Iran Xukunka dilka ah ay ku riday  ganacsadahan ayaa ku soo beegmaysa xilli uu jiro khilaaf u dhexeeya dowladaha Israel iyo Iran oo ku aadan barnaamijka Iran ay ku doonayso in ay ku samaysato hubka sida weyn wax ugumaada ee Nuclearka.
 
Ganacsadaha maxkamadu dilka ku xukuntay ayaa la sheegay in uu ahaa agaasimaha shirkad iibisa qalabka telephone-da iyo kuwa amaanka ee ay leedahay xukuumadda Iran.
 
Sidoo kale Ganacsade Ashataari ayaa ka hor qirtay maxkamadda in uu ku lug lahaa eedeenta loo soo jeediyey , wuxuuna codsaday in uu rafcaan ka qaato xukunka ay maxkamadda ku soo rogtay.
 
Ashtaari waxa uu sheegay in sirdoonka israa’iil ay u soo bandhigeen lacag 50 kun oo dollar si aan ugu soo gudbiyo sirta dowladda Iran.
 
Si Kastaba ha ahaatee Dowlada Iran oo ah dowlad aan aqoon sananyn israa’iil ayaa marar badan ku dhawaaqdey in ay gacanta ku dhigtay kooxo ay ku sheegtay in ay u basaasayeen dowladaha mareykanka iyo israa’iil .

                                                      *************************************

Syria oo iska Fogeysay in ay qarsoodi u sameysaneyso Barnaamijka Hubka Nuclear ah.

Wasiirka arrimaha dibadda ee Wadanka Syria  Waliid Almucalim ayaa tibaaxey markale in dowladiisa aysan lahayn barnaamij-ka nuclear oo sir ah.
 
 waliid Al-mucalim  ayaa shir jaraa’id ay kuwada qabteen Magaalada Dimishiq dhigiiisa U Fadhiya dalka Norway ninka la yiraahdo  Jonas Jaahar Story .
 
Warbaahinta dalka Syria ayaa waxay sheegen in hadalkan kii ugu horeeyey ee ka soo baxa mas’uul dowladda Syria ah ka dib booqashadii baarayaashii ka socday caalamka ay baareen gobo lagu tuhunsan yahay in dowladda Syria ay kawado samaysashada barnaamij-ka nuclear oo sir ah.
 
 
Almucalim waxa uu cambaareen u jeediyey Wadanka Israa’iil oo duqeyn u gaystay goobtaas ay israa’iil ku sheegtay in Syria ay ka waday barnaamij-KA nuclear oo sir ah.
 
Sidoo Kale Almucalim waxa uu yiri “ aniga ku hadlaya afka-dowladda hadii ay Syria lahaan lahayd barnaamij Nuclear oo sir ah Syria uma aysan ogolaan lahayn baarayaal kasocda caalamka in ay tagaan Dalka Syria.

Hassan Yeey

Johannesburg, South Africa

yeey18@hotmail.com
 

webmaster@ceegaag.com