Isbaheysiga Asmara oo Sharci ahaan Ansixiyay Heshiiskii Jabuuti ay ku gaareen Dowladda KMG iyo Mucaaradka.

(Jabuuti, July 20,  2008 Ceegaag Online)

Xubnaha Isbahaysiga Asmara oo maalintii shalay ahayd uu kal fadhigii labaad uga furmay guriga shacbiga ee magaalada Jabuuti ayaa cod aqlibiyad ah ku taageeray heshiiskii lagu gaaray dalka Jabuuti kaas oo u Dowlada KMG ah iyo Isbaheysiga Asmara.

Heshiiska ayaa kol hore waxaa soo qaban qaabiyay wakiilka gaarka ah ee xoghayaha guud Ahmed Ould Abdallah isagoo dhinacyada ku casuumay inay Jabuuti isugu yimaadaan.

Xubnaha golaha dhexe ee Isbahaysiga ayaa soo dhaweeyay sharaxaad laga bixiyay qaar ka mid ah qodobada heshiiskii Jabuuti oo markii hore muran dhexdooda ah dhaliyay , iyagoo muujiyay inay muqadas tahay midnimada isbahaysiga , xubnaha ayaa ka codsaday beesha caalamka inay gar gaar la gaarto dadkii ka barakacay gudaha magaalada Muqdisho oo ay heysato dhibaato xaga Bini’aadanimo.

Shirkii shalay ka furmay magaalada Jabuuti ayaa waxaa ka soo qeybgalay in ka badan 100 xildhibaan oo ka tirsan golaha dhexe ee isbahaysigaasi , inkastoo rag kale oo aad loo qadariyo ay goobta ka maqnaayeen.

www.ceegaag.com

webmaster@ceegaag.com