Madaxweyne Yuusuf oo soo gaaray Magaalada Garoowe.

(Garoowe, July 26,  2008 Ceegaag Online)

Madaxweynaha Dowladda Federaalka Soomaaliya C/llaahi Yuusuf Axmed ayaa Saaka soo gaaray Magaalada Garoowe ee Xarunta Maamul Goboleedka Soomaaliyeed ee Puntland

Madaxweyne C/llaahi Yuusuf ayaa saaka ka soo duuley Garoonka Diyaaradaha ee Aadan Cadde International Airport ee Magaalada Muqdisho ,waxaana siweyn ugu soo dhaweeyey Garoowe Madaxda Dowladd Goboleedka Puntland oo uu horkacayo Madaxweyne Mohamuud Muuse Xirsi (Cadde Muuse).

Madaxweynaha Soomaaliya ayaa hada ku sugan Guriga Madaxtooyada ee Garoowe ,wuxuuna halkaasi kulan kula leeyahay Madaxweynaha Puntland iyo Isimada Puntland.

Madaxweyne Yuusuf ayaa la rumeysan yahay inuu kala hadlidoono arimo kala duwan oo ku aadan Xaalada Qalafsan ee Puntland sida, Nabadgalyada, Sicir Bararka iyo xaalad Siyaasadeedka maamulka Puntland oo Shacabku ay Kalsoonidii ay u hayeen ay meesha kasii baxayso.

www.ceegaag.com

webmaster@ceegaag.com