Magaalada Marka oo maanta meel fagaara ah lagu gubay Xashiishad gaaraysa 100Kg.

(Marka, July 15,  2008 Ceegaag Online)

Waxaa maanta magaalada Marka ee xarunta gobolka Sh/hoose meal fagaaro ah lagu gubay maandooriyaha loo yaqaano Xashiishada oo miisaankiisa lagu sheegy inuu gaarayo100kg, xashiishadan ayaa waxa ay ku jirtay labo jawaan iyo labo bacood waxaana iska lahaa oo watay 4 qof oo labo ka mid ah la qabtay halka labadii kalana ay baxsadeen.

Sida uu inoo sheegay Gudoomiye Kuxigeenta maamulka gobolka Sh/hoose Arimaha Amniga Maxamed Axmed isagoo shir Jaraa’id ku qabanayay halka lagu gubayay xashiishada ayuu tibaaxay in Booliska gobolku uu kor kala socday dadka watay iyo meelaha ay kala yimaadeen waxayna aaqirkii ku qabten gudaha magaalada Marka inkasta ay labo ruux oo wax ka waday howsha ay booliska ka baxsadeen.

Dadweyne fara badan ayaa saaka ka soo qeybgalay gubida xashiishkan iyagoo mujinayay sida ay ula dhacsan yihin talaabadan ay qaadeen ciidamada Booliska iyo maamulka Gobolkuba , waxayna masuuliyiinta ka codsadeen in la joogteeyo arimahan oo kale, dadkii lagu soo qabtay xashiishka ayaa waxaa loo dhaadhiciyay xabsiga magaalada Marka.

Gobolka Sh/hoose waxa uu a mid yahay meelaha ugu badan ee laga beero waxyaabaha maanka dooriya oo ay ka midka tahay Xashiishka, iyadoo markaas ka dibna loo beec geeyo gobolo kale ee dalka qaarkood sida magaalada Muqdisho oo si aad ah looga isticmaalo.

www.ceegaag.com

webmaster@ceegaag.com