Muwaadiniinta Deegaanka Soomaalida Ethiopia oo lagu adkeeyay Qaadashada Baasaboorka Ethiopian-ka.

(Jig-Jiga, July 10,  2008 Ceegaag Online)

Wararka naga soo gaadhaya magaalada JigJjiga ayaa sheegaya in lagu adkeeyay Muwaadiniinta Deegaanka Soomaalida Ethiopia  helitaanka ama qaadashada Baasaboorka Ethiopian-ka ah isla markaana uu gaadhey in dadku ay xitaa ka cabsadaan iney dalbadaan iyagoo ka baqaya in danbi loo yeelo isla markaana ay lugaha lagalaan dhibaato kadib markii qaadashada Baasaboorka Ethiopian-ka  lagu xidhey inuu soo maro qaybta Nabadgalyada Deegaanka kuwaas oo imitixaan ka qaada dalbadayaasha.

Wararku waxey intaas ku darayaan in marka qof deegaanka u dhashey uu damco inuu Baasaboor qaato uu ku xareynayo codsigiisa magaalada Jij-Jiga illaa xafiiska nabadgalyadu ka fasaxayo una saxiixayo taas oo u sahleyso inuu Immigration-ka Magaalada Addis ka qaato qofkaasi.

Su'aalaha laweydiiyo ayaa waxaa kamid ah sida dad dalbadey ay noosheegeen inta jeer ee aad Jabhada ONLF lacag siisey iyo inta jeer aad taageertey. Haddii uu qofku dhaho waligey waxba masiin mana aqaanno waxaa laga yaabaa in loo fasiro inuu inkirayo taasna uu ciqaab ku muto, sidoo kalena ay adag tahay in qof uu iska sheegto inuu Jabhadda ONLF taageerey.

Dhibaatooyinkan shacabka deegaanka ka haysta helitaanka Baasaboorka Ethiopian-ka ayaa waxey sidoo kale aad usii adkeysey dadka Soomaaliyeed ee aan deegaanka u dhalan iney qaataan iyadoo lagaba yaabo dadka deegaanka u dhashey iney rafaadaan balse ay marka danbe qaataan.

Waa markii ugu horeysey oo ay Muwaadiniinta Deegaanka Soomaalida  ay si cad uga walwalaan gaar ahaan Ardayda waxbarasho doonka ah helitaanka Baasaboorka Ethiopian-ka.

www.ceegaag.com

webmaster@ceegaag.com