Sarkaal ka tirsan Hay’adda WHO oo lagu dhaawacay Gobolka Bay.

(Diinsoor, July 27,  2008 Ceegaag Online)

Sarkaalka la dhaawacay ayaa ugu qaabilsanaa Hay’adda QM ee WHO Degmada Diinsoor talaalka Cudurka Dabeysha, iyadoo shaley ay kooxo hubeysan ku dhawaaceen inta u dhaxeysa Magaalooyinka Baydhabo iyo Diinsoor oo ka wada tirsan Gobolka Bay.

Kooxdan ayaa weerar  la beegsaday gaari u watey Sarkaalka Hay’ada WHO Ismaaciil Macalin Axmed xilli uu ka soo baxey Degmada Diinsoor ayaa Rasaas ooda kaga qaadeen gaadhigii uu saarnaa halkaasna uu kasoo gaaray dhaawac culus. 

Kadib dhaawaca cusul ee soo gaaray Ismaaciil Macalin Axmed ayey kooxdi weerarka la beegsadeen waxa ay ka qaateen gaarigii uu watey, waxa ayna uga tageen kooxda weerarka geysatey meyd ahaan.

Dhaawaca salkaalkan ayaa hadda waxa lagu baxnaaninayaa Isbitaalka Degmada Diinsoor, Ismaaciil Macalin, ayaa ugu socdey Magaalada Baydhabo sidii uu u gudbin lahaa xogta Talaalka Cudurka Dabeysha oo dhawaan Degmada Diinsoor iyo deegaanada ku dhow ku soo gabo gaboobey. 

Lama oga weerarka sarkaalkan lala beegsadey ee ka tirsan Hay’adda QM ee WHO in uu xiriir la leeyahey weeraradii dhaawanahanba lala beegsanayey shaqaalaha Hay’adaha Shishiiye ee ka howlgala Gudaha Soomaaliya iyo in kale. 

www.ceegaag.com

webmaster@ceegaag.com