|
Arday ku Dhimatay Dab ka
kacay Dugsi waxbarasho oo ku yaala wadanka Tanzania.
(Tanzania,
August 24, 2009 Ceegaag Online)
Dabkani ayaa
ka qarxay Dugsi waxbarasho oo ku yaala Tanzania gaar ahaan Magaaladda
Arenga oo 460 KM u jirta Caasimadda Wadankaasi ee
Daarusalaam sarkaal ka tirsan Ciidamadda Amaanka ee Tanzania
ayaa warfidiyeenadda u sheegay in Aay ku dhinteen 12
Gabdhood oo ka mid ahaa Ardaydii meesha wax ka baranaysay.
Sarkaalkan ka
tirsan Ciidamadda Amaanka ee Wadanka Tanzania ayaa
wakaaladda wararka ee Reuters u sheegay in Dabkan uu ahaa
mid ka kacay Shumac ay shidatay mid ka mida ardayda oo ku
sugnayd hoyga laga seexdo Dugsiga Dhexdiisa.
Sarkaalkan
ayaa intaas ku daray in dabku uu wada gaaray dhisamaha
Iskoolka islamarkaana ay ku dhinteen 12kamid ahaa ardaydii
Iskoolkaasi halka dhaawacyo kala duwan ay soo gaareen
20arday oo kale iyadoo Kooxaha Badbaadada ay markiiba gaaren
goobta uu dabku ka kacay iyagoo ka soo saaray dhamaan
ardaydii ku sugnayd halkaasi iyagoo kuwii ku dhaawacmayna u
gudbiyay Rugaha caafimaad ee Magaaladda Arenda.
www.ceegaag.com
webmaster@ceegaag.com |
