Dagaalka
udhexeeya Beelaha Bahararsame iyo Cumar-maxamuud oo sii
socda
(Sallaxa,
G-Sool, February
26, 2009 Ceegaag Online)
Dagaal
salka ku haya aano qabiil ayaa saaka hiirtii waabari ka
dhacay degaanka Sallaxa Erigoo ee koonfurta gobolka Sool.
Khasaaraha dagaalka ayaa waxaa ka soo baxaya warar
isdhaafdhaafa ah maaddaama meesha dagaalku ka dhacay ay
tahay meel miyi ah oo aan la sugi Karin khasaaraha dhabta ah
ee dagaalkaasi gaystay. Wararka aannu ka hellay magaalada
Laascaanood ee xarunta gobolka Sool ayaa noo xaqiijiyay in
ay jiraan 3 ruux oo maanta maydkooda la keenay degmada
Kalabaydh halka la sheegay in ay jiraan dhaawacyo fudud iyo
kuwo culusba.
Dagaalkan oo dhexmaray beelaha deegaankaas wada dega ee Dhulbahante
iyo Majeerteen ayaa ah mid salka ku haya mulkiyadda
dhuldaaqsimeedka u dhexeeya labadaas beelood.
Colaada
labadan beelood (Bahararsame VS Cumar Maxamuud) ayaa ah mid
mudo soo socotay iyadoo marar badan laysku dayay in la
xalliyo balse ay noqotay waan waantaasi mid lagu
xakamaynkariwaayay beelahaas iyadoo loo badinayo in ay
arrimahan aanay ka madhnayn gacantogaalayn siyaasadeed .
Gurmadyo
farabadan ayaa lagu soo warramayaa in ay ka kala baxayaan
magaalooyinka Gaalkacayo iyo Laascaanood, balse waxaa iyana
taas garab socda waan waan nabadeed oo lagu kala dhexgalayo
labadaas reer ee walaalaha ah.
Wixii
warar ah ee ka soo kordha dhiilladaas kala soco Ceegaag.com
www.ceegaag.com
webmaster@ceegaag.com |
