Assalaamu
Calaykum Waraxmatullahi wabarakaatuh.
Halkan waxaan salaan walaalnimo u marinayaa
dhamaan xukuumadda cusub ee lagu doortey wadanka jabuuti
waxaan leeyahay iga gudooma salaan walaaltinimo oo jecel
horumarkeena.
Dardaaran
Madaxwaynaha
Mudane Madaxwayne Maanta
waxaad Qabatey Masuuliyad aad u wayn, masuuliyadaas oo raggii
salafka ahaa ay ka carari jireen qabashadeeda, waxaad
qabatey Masuuliyadii ka oohisey Cumar Bini Khadaab Markii
uu Maqley aayadda 24aad ee Suuraada Assaafaat, waxaad
qabatey amaanadii cirka iyo dhuku uu diidey, waxaa lagaa
rabaa Inaad xilkaan ilaahay uga baqdid kuna dadaashid
sidaad uga mid noqon lahayd Qofka ugu horeeya ee
Hadhsanaya Hadhka ilaahay maalinta uusan hadhjirin hadhka
ilaahay maahane.
Mudana Madaxwayne maanta
waxaa lagaa rabaa Hooyada Barooranaysa inaad ilinta ka
bi'ido, waxaa lagaa rabaa Dadka somaliyeed inaad ugu
shaqayso si daacad ah oo aysan ku jirin nin jeclaysi,
waxaanu kaa rabnaa inaad xilka noogu dhiibto nin shanta
salaadood tukada oo aan dayicin tii ilaahay ku lahaa.
Mudane Madaxwayne waxaan
ilaahay kaaga rajanayaa in xilkan ilaahay kuu fududeeyo,
waxaan ilaahay ka rajanayaa inaad noqoto Aabihii Agoonta
Soomaaliyeed, Waxaan ilaahay ka rajaynayaa inaad noqoto
Madaxwayne daacad u ah diintiisa, dalkiisa iyo dadkiisaba.
Dardaaran Raysal wasaaraha.
Mudane raysal wasaare
waxaan kuu dar-daarmayaa Cabsida ilaahay iyo inaad ku
xidhnaato xadhiga ilaahay, waxaan kuu dardaarmayaa in aad
xilkaaga u gudato si daacad ah Danta Dadka Muslimka ahina
ku jirto, waxaan kuu dardaarmayaa inaad dawladaada ku
dhisto aqoon iyo amaano, waxaan kaaga digayaa inaad
doorato dadka qabyaaladu madaxmartey kuwaas oo danta
somaliyeed ku xidhey reerkayagu kama muuqdo kurisiga,
Aabahaa Dadkii Somaliyeed ee waagaas jirey waxay ku
tilmaameen inuu ahaa nin Masuul ah oo diin leh dadkiisa
iyo dalkiisana jecel, noqo raysalwasaare ka duwan kuwii
wadanka soo marey noqo mid ka run sheega xilka u qabtey,
waxaan ilaahay kaaga rajaynayaa inuu xilkaaga kuu
fududeeyo kuguna kaalmeeyo xaqqa.
Dardaaran Baarlamaanka
Walaalayaal waxaan idiindardaarmayaa inaad
dhawrtaan sharcigeena islaamka, inaad daacad ka noqotaan
xilka aad haysaan, walaalayaal waad u jeedaan shacabkeenii
siduu u dayacan yahay maanta qaar baddaa liqdey, qaar
budhcad badeed bay noqdeen, qaar waa gaaloobeen waxaa la
idin ka rabaa inaad sabab u noqotaan shacabkaas siduu
hurumar u heli lahaa, siduu u yeelan lahaa kala
danbayn,waxaa la idinka rabaa inaad dajisaan sidii looga
gudbi lahaa qabiilaysiga looguna gudbi lahaa cadaaladda.
Dardaaran ku socda Shacabka.
Shacabkayga Somaliyeed waxaan
idiindardaarmayaa inaad la shaqaysaan Dawladda Cusub,
Madaxwaynihiina adeeca ha ku kalifina inuu dulimi sameeyo,
ugu duceeya salaadaha in ilaahay xilka u fududeeyo,
khayrka ku taageera wixii shar ah uga nasteexeeya,
dawladiina idinkaa leh ilaashada oo ha iska duminina.
Ilaaha iska leh aduunyada iyo waxa
korsaaranow
ilaahaa Naftiisa u diidey Dulmigow
ilaaha uu u sugnaadey Carshigow
Waxaan ku waydiisanaynaaa Nabad, Cadaalad,
Horumar
ilaahow naga qabo gaalada iyo waxay
noomaleegayaan
ilaahow madaxda Somaliyeed Xaqqa waafaji
Xumaantana ka qabo
ilaahow diintayda nafahansii dadkayagana
isjeclaysii
ilaahow noo danbi dhaaf wixii hore ee aan
galney
ilaahow noo dhaaf danbiyada kuwa yar yar
iyo kuwa waawaynba
ilaahow nagu toosu dariiqa saxda ah ee aad
ka raalida tahay
ilaahow midee culimada wadanka iyo
dhalinyarada.
Subxaana rabikka rabil Cizati Cammaa
yasifuun wasalaamun calal mursaliin walxamdulillaahi
rabilcaalamiin.
Mustafa Akhyaar
16/02/2009
