Dagaalo Sababay dhimasho iyo Dhaawac oo markale ka bilaamay Magaalada Bacaadwayn ee koonfurta Mudug

(Bacaad-Wayn,  March 13,  2009 Ceegaag Online)

Wararka Naga soo gaadhay magaalada Bacaadwayn oo katirsan gobolkaasi Mudug gaar ahaan dinaca maamulka galmudug ayaan ku soo waramaya in maanta magaaladaasi duleedkeeda dagaalo xoogani markale magaaladaasi ka dhaceen dagaaladaasi oo lagu soo Waramay maanta galinkii danbe inay sababeen khasaaro xoogan oo isugu jira dhimasho dhaawac, barakac oo u dhaxeeya dhicacyo dhawaan halkaasi dagaalo ku dhexmareen.
 
Wararka Ceegaag Online maanta galinkii danbe kaheshay Xarumaha caafimaadka magaalada Gaalkacyo ayaa sheegay in kudhawaad 19 oo kamid ah dhinacyadii dagaalamyey la soo gaadhsiiyey goobaha caafimaadka magaalada Gaalkacyo dhinaca koonfureed iyo waqooyiga magaaladaasi oo haatan lagu daawaynayo waxna tirada dhimashadu gaadhaysaa ku dhawaad 12 Ruux oo kamid ah dhinacyadii dagaalamyey.
 
Dagaalkani haatan magaalada Bacaadwayn duleedkeeda ka soo Cusboonaaday ayaa wararku sheegayaa inuu u dhaxeey labo Beelood oo halkaasi Wada dega oo ku muransan dhul daaqsimeed halkaasi kuyaala waxna warkani intaasi ku darayaa in laga dareemayo goobihii lagu dagaalamay hub uruursi xoogan oo ay wadaan dhinacyadii dagaalamayey.

Cali Dhagjar

Ceegaag

webmaster@ceegaag.com