Diyaarad maanta galinkii dambe ku dhacday Airport-ka Magaalada Boosaaso.

(Bosaaso  March 03,  2009 Ceegaag Online)

Diyaarada African Express oo ka mid ah Diyaaradaha ka howlgala Dalka Soomaaliya ayaa maanta waxyeelo ka soo gaartay Garoonka Diyaaradaha ee Boosaaso ka dib markii diyaarada oo Xawaare sare ku soconeysa ay ka baxday Dhabaha Diyaraadaha ku caraaraan ee Runway-ga Garoonka Bosaso.

Diyaaradan oo ahayd mid Todobaadkan Ka shaqo biloowday Deegaanada Puntland ayaa waxaa saarnaa rakaab farabadan  kuwaasi oo qaarkood ahaa kuwo transit ahaa inakasta oo aysanjirin waxyeelo soo gaartay rakaabka hadana waxaa uu burbur xoogan Gaaray guud ahaan Diyaarada African Express.

Masuuliyiinta Shirkadani diyaaradaha oo saxaafada la hadlaya sheegay in Diyaarada ay ku socotaya ka dibna ay Ka baxday wadada Balse aysan jirin Cilad kale oo diyaarada ku timid waxaana ay sheeegeen inaysan Jirin cid wax ku noqotay.

Diyaarada African Express ee Maanta ka baxday Dhabaha Diyaaradaha ee Garoonka Boosaaso ayaan ahayn markii ugu horeysay oo ay diyaarad wax ku noqoto Garoonka Banderqaasim waxaana Dhawaantan diyaarada Daalo Ay ku dhacday gudaha garoonka ka dib markii ay jabtay Lugta hore ee Diyaaradaasi waxna magaalada boosaaso haatan ku xaniman dhamaan rakaabkii saarnaa diyaaradahaasi.

Cali Dhagjar

Buuhoodle

webmaster@ceegaag.com