Iska Horimaad Hubaysay oo Sababay dhimashada 5 ruuxi iyo tiro kale oo dhaawac ah oo gaalkacyo ka dhacay.

(Gaalkacyo,  March 01,  2009 Ceegaag Online)

Iska horimaad hubaysan oo sababay dhimasho iyo dhaawac ayaa maanta galinki hore ka dhacay magaalada gaalkacyo ee xarunta gobolkaasi mudug iska horimaad kaasi ayaa imid kadib markii maleeshiyaad Beeleedyo ka soo Jeeda koonfurta gobolkaasi mudug dagaal ku dhexmaray gudaha magaalada gaalkacyo dhinaca koonfureed.

Dagaalkaasi ayaa maanta socday in mudo ah Waxaana markii danbe kala dhexe galay waxgaradka ka soo jeeda koonfurta magaalada gaalkacyo oo maleeshiyaadkaasi, Shabakada Wararka Ceegaag online ayaa dagaalkaasi kadib la Xidhiidhay Waxgaradka koonfurta magaalada gaalkacyo waxaana khasaaraha dagaalkaasi Ceegaag online u sheegeen inuu gaadhay ku dhawaad 5 Ruux iyo tiro kale oo dhaawac ah oo hada lagu Daawaynayo Isbitaalka Guud ee dhinaca Waqooyiga gaalkacyo.

Dadkan Dhintay & kuwo dhaawaca ah ayaa isugu jira Shacab ay Rasaastu xaafadahooda ugu tagtay iyo Dhinacyadii israsaaseyntu dhexmartay waxaana Dhaawacyadaas lageeyey isbitaalada Koonfurta iyo kuwa waqooyi ee Magaalada Gaalkacyo xaalada ayaana lagu soo waramayaa inay haatan degantahay.

www.ceegaag.com

webmaster@ceegaag.com