Kulan balaadhan oo dhexe maray Isimada SSC iyo Xildhibaano ka socday dawlada Soomaaliya

(Garoowe,  March 13,  2009 Ceegaag Online)

Waxaa Maanta magaalada Garoowe kulan balaadhan ku yeeshay dhamaam Isimada SSC iyo Xildhibaano katirsan Baarlamaanka dawlada Soomaaliya oo ka soo kala jeeda gobolada Puntland waxaana kulankan oo ahaa mid saacado badan Qaatay looga hadlay xaalada haatan kataagan gobolada SSC Iyo shirka Isimada uga socday magaalada Buurawadal.
 
Qaar ka mid ah Isimada SSC ee shirkaasi maanta ka Qayb galay ayaa Ceegaag Online u sheegay caawa in shirkaasi dhexmaray Isimada iyo Xildhibaanada katirasan Baarlamaanka Dawlada KMG ku soo dhamaaday isafgarasho iyo waji wanaagsan waxuuna ka gaabsaday mid kamid ah isimada oo caawa Ceegaag Online lahadlay inuu shirkaasi faah faahin ka bixiyo.
 
Shirkaasi ayaa intii uu socday guud ahaanba saxaafada magaalada Garoowe laga Diiday inay gudaha xarunta hoolka shirku ka socday gudaha u galaan waxna warar madaxbaan oo Ceegaag Online magaalada Garoowe ka heshay sheegayaa in shirkaasi looga hadlay xaalada guud ee Laascaanood iyo deegaanada SSC.
 
Isimada SSC ayaa dhinacooda ka gaabsaday inay shirkaasi ka hadlaan waxna Ceegaag Online isku daynay inay Xidhiidh la samayso Qaarkamid ah Xildhibaanada oo ka soo Jeeda SSC Waana noo suurta gali wayday.

Cali Dhagjar

Ceegaag

webmaster@ceegaag.com